Haqqımızda

"Azərbaycan vikimediaçıları" istifadəçi qrupu (ing. "Azerbaijani Wikimedians User Group") milli səviyyədə təbliğat tədbirlərinin təşkilində və iştirakda maraqlı olan azərbaycanca Vikimedia layihələrinin aktiv istifadəçilərinin yaratdığı qrupdur. Bu istifadəçi qrupunun üzvləri bir neçə ildir ki, müxtəlif inzibati işlərlə yanaşı, universitet tələbələri və Azərbaycanın regionlarındakı gənclər üçün seminarlar və təqdimatlar təşkil edir, həmçinin Vikianbara və Azərbaycan dilindəki Vikimedia layihələrinə töhfə verirlər.